Scare Package II: Rad Chad’s Revenge
Horror ဇာတ်လမ်းတွေအကြောင်း မသိတာမရှိတဲ့ အခွေဆိုင်ပိုင်ရှင်ကြီး Rad Chad တစ်ယောက် အကြောင်းအမျိုးမျိုးကြောင့် ဆုံးပါးသွားပါတယ်။ သူ့အသုဘကို လာပို့တဲ့သူတွေကို ဆေးခတ်ပြီး ရယ်ရခက် ငိုရခက် ထောင်ချောက်တွေနဲ့ တမလွန်ကနေဘယ်လိုတွေ ဒုက္ခပေးဦးမလဲဆိုတာကိုတော့ ပါးစပ်မပိတ်ပဲ တခွိခွိနဲ့ရယ်ရင်း ရှုစားကြရမှာပါ။ သဘောကျစရာအကောင်းဆုံးတစ်ချက်က ရုပ်ရှင်တစ်ခုတည်းကိုကြည့်ရသလိုမဟုတ်ပဲ တစ်ကားတည်းမှာတင် တခြားသော ရုပ်ရှင်အပိုင်းတိုလေးတွေကိုပါ တစ်ဆက်တည်းကြည့်ရမှာကိုပါပဲ။ အဲ့ဒီအပိုင်းတိုလေးတွေကိုလည်း တခြားဒါရိုက်တာတွေက ဝင်ပြီးရိုက်ထားတာဆိုတော့ ကြည့်ရတာမအီဘူးပေါ့။ Old School Horror တွေသဘောကျတဲ့သူတွေအတွက်လဲ ဒီထဲမှာ အရင်ကားဟောင်းတွေကို Reference အများကြီးယူထားတာဆိုတော့ အပျင်းပြေပဲ ကြည့်ရင်တောင်မှပဲ တော်တော်ကိုတန်တဲ့ ရုပ်ရှင်တစ်ခုပါပဲဗျာ။ Rad Chad ကြီးက ဘယ်လိုတွေမွှေထားခဲ့လဲ၊ မွှေနေတာကရော သူတစ်ယောက်တည်းဟုတ်ရဲ့လား၊ ကျွန်တော်တို့ရဲ့ ဇာတ်လိုက်တွေကရော ဘယ်လိုတွေလွဲကြပြီး ထောင်ချောက်တွေကလွတ်အောင် ဘယ်လို ဉာဏ်နီဉာဏ်နက်တွေများကြမလဲဆိုတာကိုတော့ ကိုယ်တိုင်ကြည့်ရှု ခံစား လန့်ပြီး ခွီကြရမှာပဲဖြစ်ပါတယ်။
- နှစ်: 2022
- နိုင်ငံ: United States of America
- အမျိုးအစား: Horror, Comedy
- စတူဒီယို: Paper Street Pictures
- သော့ချက်စာလုံး:
- ဒါရိုက်တာ: Anthony Cousins, Rachele Wiggins, Jed Shepherd, Alexandra Barreto, Aaron B. Koontz
- သွန်း: Jeremy King, Zoe Graham, Byron Brown, Rich Sommer, Kelli Maroney, Graham Skipper
