Mummies
ရှေးခေတ်အီဂျစ်လူမျိုးတွေဟာ သေလွန်ပြီးတဲ့နောက်မှာ တမလွန်ခေါ် မြေအောက်ကမ္ဘာကို ရောက်သွားတယ်လို့ ယုံကြည်ကြပါတယ်။ အစပထမမှာတော့ မြေအောက်ကမ္ဘာခရီးအဆုံးမှာ သူတို့ရဲ့အလောင်းတွေဟာ အသက်ပြန်ဝင်နိုးထလာမယ်လို့ ယုံကြည်ခဲ့ကြပါတယ်။ ဒါပေမဲ့ အလောင်းတွေဟာ ပုပ်ဆွေးသွားတယ်ဆိုတာကို သိလာပြီးနောက်မှာတော့ တမလွန်ခရီးကအပြန် ရှင်သန်နိုင်ဖို့ အလောင်းတွေကို မပျက်စီးအောင်ထိန်းသိမ်းထားဖို့လိုတယ်လို့ ယူဆခဲ့ကြပြီး ဆေးစိမ်ပတ်တီးစည်းခဲ့ကြပါတော့တယ်။ အဲဒီအလောင်းတွေကို မံမီတွေလို့ခေါ်ပါတယ်။ ဒီကာတွန်းထဲမှာတော့ မံမီအားလုံးဟာ တမလွန်မြို့ကြီးတစ်ခုမှာ ထာဝရအသက်ရှင်နေထိုင်ကြပါတယ်။ မံမီအားလုံးကို ဖာရိုးဘုရင်ကြီးက အုပ်ချုပ်ပါတယ်။ ဖာရိုးဘုရင်ကြီးရဲ့ သမီးတော် နက်ဖာအတွက် ကြင်ယာဖက်ရွေးဖို့ အချစ်နတ်ဘုရားမရဲ့ ဖီးနစ်ငှက်ကို ရွေးခိုင်းရင်းနဲ့ တလွဲတွေဖြစ်ပြီး လှည်းပြိုင်သမား သွပ်ကို ရွေးချယ်ခံလိုက်ရပါတော့တယ်။ ဒါပေမဲ့ မင်းသမီးက လက်မထပ်ချင်လို့ ထွက်ပြေးရင်း၊ သွပ်ကလည်း သူ့ကိုသိမ်းဆည်းခိုင်းထားတဲ့ လက်ထပ်လက်စွပ် အခိုးခံရလို့ အပြစ်ပေးခံရမှာကြောက်ပြီး ပြန်လိုက်ရှာရင်း နှစ်ယောက်လုံး လူသားကမ္ဘာထဲကို ရောက်လာပါတော့တယ်။
- နှစ်: 2023
- နိုင်ငံ: Spain
- အမျိုးအစား: Animation, Adventure, Fantasy
- စတူဒီယို: Warner Bros. Entertainment España, 4 Cats Pictures, Moomios Movie AIE, Anangu Grup SL, C.O.R.E. Feature Animation, Atresmedia
- သော့ချက်စာလုံး: egypt, london, england, museum, mummy, chariot race, musical, wedding ring, archaeologist, ancient egypt, aftercreditsstinger, journey, present day
- ဒါရိုက်တာ: Juan Jesús García Galocha
- သွန်း: Joe Thomas, Eleanor Tomlinson, Hugh Bonneville, Celia Imrie, Sean Bean, Dan Starkey
